У гэтым навучальным годзе мы працуем над рэалізацыяй праекта " Добрае сэрца"
Змест праекта
І. Уводная частка
v Апісанне праекта
v Актуальнасць праекта
v Вядучая ідэя праекта
v Дэвіз праекта
v Галоўны накірунак
v Выхаваўчыя метады
v Мэта і задачы праекта
v Прынцыпы рэалізацыі праекта
v Срокі рэалізацыі праекта
v Удзельнікі праекта
v Напрамкі дзейнасці
ІІ. Асноўны
раздзел
Этапы рэалізацыі праекта
ІІІ. Заключная частка
Плануемыя вынікі
Жыццяздольнасць праекта ( перспектывы)
Спіс выкарыстанай літаратуры
Дабрыня - гэта тая
вечная каштоўнасць, якая перамагае ўсё: жорсткасць, сквапнасць, двудушнасць,
неразуменне і недавер… Дабрыня асвятляе душу, дабрыня – гэта стрыжань
спрадвечнасці, на якім трымаецца чалавецтва. Дабрыня моцна з’яднала людзей,
нягледзячы ні на што. Якую ж нясём мы адзін аднаму дабрыню? Лёгка быць добрым з
добрым – паспрабуйце быць добрым з благім. Дык ці не адкажуць людзі дабром на
дабро, якія б благія яны не былі. Пэўна, многіх калісьці пакрыўдзілі: каго
недаверам, каго непавагаю. Ці ж мала адценняў у аднаго бязмежнага пачуцця, што
завецца ўменнем быць добрым?…
Алесь Асташонак
Апісанне
праекта
Праект “Добрае сэрца” мае сацыяльны
накірунак. Ён уключае ў сябе мерапрыемствы, накіраваныя на фарміраванне ў
будучага пакалення ўстойлівых маральных ідэалаў. У ходзе рэалізацыі праекта яго ўдзельнікі далучаюцца да сацыяльна
значымай дзейнасці. Дадзены праект дазваляе аб’яднаць намаганні школьнікаў, бацькоў і настаўнікаў у вырашэнні
праблемы праяўлення дабрыні ў акружаючым асяроддзі. Сярод вучняў 8 класа было праведзена
экспрэс-анкеціраванне “ што ёсць дабро?”. 57% апытваемых вучняў словы “ дабрыня” і “
чалавечнасць” не раздзяляюць, 43% вучняў
разумеюць пад гэтымі словамі добрыя ўчынкі, добрыя адносіны адзін да аднаго,
дапамогу каму-небудзь, 23,6% вучняў, на жаль, не лічаць сябе здольнымі
здзяйсняць бескарысныя добрыя справы. На пытанне “ Ці лёгка быць чалавечным?”
32,7% апытваемых адказалі “не”. Дадзены
анкетавання дазволілі вызначыць праблему нашага сацыяльнага праекта, яго мэты і
задачы.
Праект “Добрае сэрца” закліканы вучыць дзяцей не
праходзіць міма тых, каму цяжка, дзяліцца сваім цяплом з тымі, каму яго не
хапае. Дзеці навучацца супрацоўнічаць як з аднагодкамі, так і
дарослымі.
Актуальнасць праекта
Мы
жывём у складаны час,у якім усё больш і больш распаўсюджваецца культ бездухоўнасці і
амаральнасці. Адбываецца гэта самымі рознымі
спосабамі: тэлевізійнымі перадачамі, дзеяннямі палітычных і грамадскіх дзеячаў,
паводзінамі дарослых і г.д.Нягледзячы на разнастайнасць
метадаў, сутнасцю іх з'яўляецца навязванне чалавеку стэрэатыпаў агрэсіўных і
бязлітасных паводзін у адносінах да іншых, грэбаванне маральнымі
нормамі дзеля матэрыяльнай выгады.
Сённяшнія дзеці сцвярджаюць заўтрашні дабрабыт краіны,
што цалкам залежыцьад дабраякаснага выхавання. Калі нашы дзеці будуць сумленныя
і добрыя, гэтага дастаткова. Усё астатняе прыкладзецца. З жыцця яны самі будуць выбіраць і ўбіраць у
сябе ўсё добрае і сумленнае.
Маральна-этычнае
выхаванне дзяцей і падлеткаў - важны напрамак выхаваўчай работы. Задача сучаснага педагога не толькі авалодваць нормамі
міжнародных сацыяльных і педагагічных кампетэнцый, імкнуцца выкарыстоўваць інавацыйныя працэсы ў
рабоце
з вучнямі, але і выхоўваць у кожным дзіцяці
грамадзяніна і патрыёта сваёй краіны, развіваць пачуццё абавязку ў
аказанні дапамогі маючым патрэбу, заахвоціць да здзяйснення добрых і карысных
учынкаў. Гэты працэс пачынаецца з ранніх гадоў развіцця дзіцяці і праходзіць
праз усё свядомае жыццё чалавека. Асновы
маральных паводзін закладаюцца менавіта ў школьным
узросце.
Сацыяльны праект “Добрае сэрца”спрыяе фарміраванню ініцыятывы
дабра і адказнасці падлеткаў, умення самастойна планаваць і рэалізаваць
задуманае, несці адказнасць за свае дзеянні.
Дабро, гуманізм, міласэрнасць, сэнс жыцця - гэта
каштоўнасці, пра якія можна гаварыць бясконца. Ёсць
людзі, якія кажуць, а ёсць людзі, якія робяць! Вынікі скажуць самі за сябе. Усё
ў нашых руках!
Вядучая ідэя
праекта: Я павінен зрабіць усё неабходнае,
каб колькасць дабра ў свеце павялічылася.
Дэвіз праекта: Дабрыня – гэта тое, што сляпы ўбачыць, а глухі пачуе.
Галоўнынакірунак:
аказанне дапамогі дзецям у пазнанні мастацтва
тварыць дабро,дарыць яго ўсім, хто апынуўся ў цяжкай жыццёвай сітуацыі і мае
патрэбу ў падтрымцы і клопаце.
У
аснову праекта пакладзены наступныя выхаваўчыя
метады:
- уцягванне ў дзейнасць;
- стымуляванне;
- супрацоўніцтва;
- давер;
- асабісты прыклад.
Мэта праекта:стварыць умовы для ўцягнення навучэнцаў у сацыяльна-значныя справы па
аказанні практычнай дапамогі ветэранам,
адзінокім пенсіянерам, хворым дзецям, людзям,
якія апынуліся ў цяжкай жыццёвай сітуацыі.
Задачы:
- стварыць умовы для сацыяльнай актыўнасці і творчасці вучняў,
развіцця самасвядомасці;
- маральна ўзбагачаць асобу дзіцяці
ў працэсе калектыўных творчых спраў;
- выхоўваць міласэрнасць, дабрыню, павагу да людзей,
уменне разумець іншага чалавека;
- прымаць удзел у сацыяльна -
практычнай дзейнасці на карысць іншых людзей;
- фарміраваць гатоўнасць прыйсці на
дапамогу, уменне працаваць калектыўна.
Прынцыпы рэалізацыі праекта:
- супрацоўніцтва ва ўмовах соцыуму;
- добраахвотнасць;
- гуманізм;
- мэтанакіраванасць.
Тэрмін рэалізацыі праекта: верасень2014г –
май 2015г.
Удзельнікі
праекта: вучні 8 класа і іх бацькі.
Напрамкі
дзейнасці:
1. “Творчасць”. Арганізацыя святаў, канцэртаў,
акцый, конкурсаў малюнкаў, выраб віншавальных паштовак.
2. “Клопат”. Арганізацыя рэальнай дапамогі людзям, якім яна
патрэбна.
Этапы праекта
I этап –
падрыхтоўчы (верасень-кастрычнік 2014 года)
Фармуліроўка актуальнай сацыяльнай праблемы
|
1.Правесці класны сход “Дарогаю дабрыні” з мэтай прыцягнення ўвагі вучняў
да дадзенай праблемы.
2.Правесці бацькоўскі сход “ Не забудзь пра тых, хто вакол цябе” з мэтай
прыцягнення бацькоў ў сацыяльны праект.
|
Вызначэнне мэты і задач праекта
|
1. Наведванне мясцовых органаў
улады ( сельскі савет), з мэтай выяўлення сацыяльнай групы людзей, каму
патрэбна дапамога.
2.Састаўленне картатэкі “Нашы
падшэфныя”.
3.Класны сход “ Карта зоны дзеяння”.
4.Сустрэча з сацыяльнымі
работнікамі.
|
Стварэнне
плана праекта
|
1. Вызначыць пералік асноўных
мерапрыемстваў па рэалізацыі праекта.
2. Вызначыць час правядзення
мерапрыемстваў.
3.Вызначыць адказных за кожны
пункт плана. 4.Вызначыць групу валанцёраў, адказных за правядзенне акцый.
|
II этап – асноўны( практычны )
(лістапад 2014года – красавік 2015
года)
1.
Конкурс малюнкаў “ Што такое дабро?”( вучні 1-8 кл.)
2.
Арганізацыя інфармацыйных пяціхвілінак “ Хвілінкі дабрыні”( 1-8 кл.)
3.
Акцыя “Кветкі дабрыні ветэранам
педпрацы”
4.
Акцыя “ Я дару табе сонца” ( збор пажаданняў і добрых слоў)
5.
Акцыя “Ветэран жыве побач”
6.
Акцыя “Адзін, але не адзінокі”
7.
Акцыя“Не сумуй, малыш” (наведванне дзіцячага садка)
8. Акцыя “ Слова пра нашых землякоў”
9. Акцыя “ Навагоднія цуды” (
навагодняе прадстаўленне для дзяцей дзіцячага сада, хворых дзяцей)
10. Акцыя “ Вобраз і памяць” ( зрабіць і падараваць фотаздымкі ветэранам ВАВ з надпісам “ Мы
ганарымся Вамі!”)
Мерапрыемства
|
Задачы
|
Тэрмін выканання
|
Адказныя
|
Конкурс малюнкаў “ Што такое
дабро?”
|
Правесці конкурс малюнкаў сярод
вучняў 1-8 класаў
|
лістапад
|
Гаўрыло К.
Макей В.
|
Інфармацыйныя
“ Хвілінкі дабрыні”
|
Арганізаваць і правесці
інфармацыйныя пяціхвілінкі сярод вучняў 1-8 класаў
|
1-е паўгоддзе
|
Ермаковіч А.
Ланкоўская Г.
|
Акцыя “ Ад шчырага сэрца”
|
Падрыхтаваць віншаванні
жанчынам з Днём Маці
|
кастрычнік
|
Карповіч Д.
Базыльчык В.
|
Акцыя
“Кветкі дабрыні ветэранам педпрацы”
|
Падрыхтаваць сувеніры-падарункі
і віншаванні ветэранам педпрацы
|
кастрычнік
|
Андрошчык Д.
Грушэўская Г.
Базыльчык В.
|
Акцыя “Ветэран жыве побач”
|
Наладзіць цесную сувязь з
ветэранамі вайны , адзінокімі пенсіянерамі з мэтай аказання пасільнай
дапамогі
|
на працягу года
|
Паследняя Ю.
Каскевіч К.
Хаміцкі А.
|
Акцыя “Адзін, але не адзінокі”
|
|||
Акцыя “ Слова пра нашых
землякоў”
|
Расказаць на старонках раённай газеты пра лёс вядомых людзей нашага
пасёлка
|
2-ое паўгоддзе
|
Класны кіраўнік
Карповіч Д.
|
Акцыя “ Навагоднія цуды”
|
Арганізаваць навагодняе прадстаўленне для дзяцей дзіцячага сада, хворых
дзяцей
|
Снежань-студзень
|
Друць М.
Сакалоўская
|
Акцыя“Не сумуй, малыш”
|
Падрыхтаваць і правесці
забаўляльную праграму
“ Крок да дабрыні” з
выхаванцамі дзіцячага сада
|
люты
|
Ермаковіч А.
Карповіч Д.
|
Акцыя “Я дару табе сонца”
|
Арганізаваць выраб і продаж сувенірных кветак. Сабраныя сродкі накіраваць
на выраб фотаздымкаў акцыі “ Вобраз і памяць”
|
сакавік
|
Рэкуць А.
Есько М.
Ланкоўская Г.
|
Акцыя “ Вобраз і памяць”
|
Зрабіць і падараваць фотаздымкі ветэранам ВАВ з надпісам “ Мы
ганарымся Вамі!”
|
красавік
|
Карніловіч Д.
Сакалоўская Г.
Камінскі С.
|
III этап – заключны (май 2012 года)
1.
Састаўленне базы дадзеных аб выніках дзейнасці праекта.
Выяўленне самых актыўных вучняў. Аналіз выканання праекта.
2.
“Веснік добрых спраў” (асвячэнне
дзейнасці ў сродках масавай інфармацыі).
3. Выстава фотаработ “Дабрыня вакол
нас!”.
Плануемыя вынікі
Праект павінен забяспечыць рэалізацыю патрэб і цікавасцей яго ўзельнікаў,
садзейнічаць арганізацыі сумеснай
грамадска-карыснай і творчай дзейнасці, забяспечыць гуманістычныя
адносіны паміж дзецьмі і дарослымі, фарміраваць акульначалавечыя каштоўнасці.
У працэсе рэалізацыі праекта ў яго ўдзельнікаў павінна сфарміравацца
наступная сістэма ведаў, уменняў і навыкаў:
-
уменне несці асабістую адказнасць
за вынікі сваёй працы;
-
праяўляць сяброўскі клопат аб
людзях;
- выконваць розныя віды працоўнай дзейнасці;
- рацыянальна выкарыстоўваць свой час;
- праяўляць настойлівасць у дасягненні мэты.
Прагназую, што ўдзельнікі гэтага праекта не будуць
сумнявацца ў тым, што трэба зрабіць, калі яны сутыкнуцца з чалавекам, якому
патрэбна дапамога.
Жыццяздольнасць
праекта (перспектывы):
- бачнай стане грамадска карысная дзейнасць навучэнцаў
школы,
- навучэнцы
школы стануць актыўнымі ўдзельнікамі грамадскага жыцця пасёлка;
- навучэнцы змогуць убачыць і паказаць іншым жыццёвую сілу лозунгу “Разам мы сіла!”.
Праект перспектыўны яшчэ і таму, што завяршэння не мае,
так як заўсёды будуць тыя, каму патрэбна дапамога, і тыя, у каго добрае сэрца.
Спіс выкарыстанай літаратуры
1.
Катовіч Н.К. Мадэлі
выхавання школьнікаў. Мінск, НМЦэнтр 2000г.
2.
Пионерия –
заветная страна. Минск “Красико-Принт» 2006г.
3.
Храмцова
Ф.И. Воспитательная система современной школы. Минск, Университетское 2001г.
Кіраўнік праекта :
Карповіч Аксана Уладзіміраўна,
класны кіраўнік 8 класа
Гродзенская вобласць
Свіслацкі раён
г.п. Поразава
вул. Маладзёжная,19
т. 80151320780
Акцыя " Памяць"
Акцыя " Ад шчырага сэрца"
Комментариев нет:
Отправить комментарий